माघ २९ । प्रतिबन्धित नेत्रविक्रम चन्द ‘विप्लव’ नेतृत्वको नेपाल कम्युनिस्ट पार्टी, मोहन वैद्य नेतृत्वको नेपाल कम्युनिस्ट पार्टी ९क्रान्तिकारी माओवादी, ऋषिराम कट्टेल नेतृत्वको नेपाल कम्युनिस्ट पार्टी र विश्वभक्त दुलाल आहुति नेतृत्वको वैज्ञानिक समाजवादी कम्युनिस्ट पार्टीले संयुक्त मोर्चा घोषणा गरेका छन् ।
बिहीबार नेपाल प्रज्ञा–प्रतिष्ठानमा आयोजित कार्यक्रममा रणनीतिक संयुक्त मोर्चाको १५ सदस्यीय केन्द्रीय समिति घोषणा गरिएको हो । केन्द्रीय समितिमा सीपी गजुरेल, रामसिंह श्रीस, पवनमान श्रेष्ठ, सन्तोष बुढा, नवीनकुमार विश्वकर्मा, अज मोहम्मद, ऋषिराम कट्टेल, रामदुलार महतो, राजेश बान्तवा, जागृत रायमाझी, धनकुमारी सुनार र नवीन रिमाल छन् । तीनजना पछि घोषणा गर्ने बताइएको छ ।
मोर्चाले पहिलो चरणको संघर्षका कार्यक्रमअन्तर्गत आउँदो फागुन ६ गते बुटवल, फागुन १४ धनगढी र फागुन १८ गते इटहरीमा सभा गर्ने नेताहरुले बताएका छन् ।
रणनीतिक मोर्चाले अवधारणापत्र पनि सार्वजनिक गरेको छ ।
