माघ ७ । पछिल्लो समय अमेरिकी डलरको तुलनामा नेपाल मुद्रा बलियो बन्दै गएको छ । गत अप्रिलमा १ अमेरिकी डलर बराबर १ सय २१ रुपैयाँसम्म पुगेकामा अहिले १ सय १७ रुपैयाँमा झरेको हो । नेपाल राष्ट्र बैंकले सार्वजनिक गरेको विनिमयदर अनुसार बुधबारको अमेरिकी डलर बिक्री मूल्य १ सय १७ रुपैयाँ ३७ पैसा तोकिएको छ । यस्तै केन्द्रीय बैंक १ अमेरिकी डलर १ सय १६ रुपैयाँ ७७ पैसामा किन्नेछ ।
यो विनिमय दर वाणिज्य बैंकको हकमा भने फरक हो । बुधबारको विनिमय दर युरोको बिक्री मूल्य १ सय ४२ रुपैयाँ २६ पैसा छ भने १ पाउन्ड स्टर्लिङ सर्वसाधारणले १ सय ५९ रुपैयाँ ७१ पैसामा किन्न सक्नेछन् ।
