काठमाडौं । पहिलो संस्करणको फ्रेन्चाइजी फुटबल नेपाल सुपर लिग (एनएसएल) नरोकिने भएको छ ।
कोरोना महामारीका कारण बिहीबारदेखि एक साताका लागि काठमाडौं उपत्यकामा निषेधाज्ञा जारी गरिएको छ । निषेधाज्ञा भए पनि लिगका बाँकी खेलहरुले निरन्तरता पाउने खेलकुदमन्त्री दावा तामाङले जानकारी दिए ।
उनले स्वास्थ्य मापदण्ड अपनाएर प्रतियोगिता गराइने बताए । “प्रतियोगिता रोकिँदैन । स्वास्थ्य सुरक्षाका साथ प्रतियोगितालाई निरन्तरता दिने कुरा भएको छ,” मन्त्री तामाङले बाह्रखरीसँग भने ।
प्रतियोगिताका पाँच खेल भइसकेका छन् । यही वैशाख ११ गतेबाट सुरु भएको प्रतियोगितामा सात फ्रेन्चाइजी टोली सहभागी छन् । काठमाडौंको त्रिपुरेश्वरस्थित दशरथ रंगशालामा प्रतियोगिता जारी छ । कोरोनाका कारण दर्शकको उपस्थितिविना खेल गराइएको छ ।
प्रतिक्रिया
सम्बन्धित खवर
