काठमाडौं । सभामुख अग्नीप्रसाद सापकोटाले तातोपानी नाका सुचारु गर्ने विषयमा आफूले पहल गर्ने बताएका छन् । बार्हबिसे नगरपालिका वडा नं ७ मा आइतबार पहिरो निरिक्षण गर्न पुगेका सभामुख सापकोटाले अरनीको राजमार्गको पनि निरीक्षण गर्दै यस्तो बताएका हुन् ।
उनले पहिरोले क्षतिग्रस्त अरनिको राजमार्गको बाह्रविसे देखि चीनसँगको सीमानाका लिपिङसम्मको स्थलगत अवलोकन समेत गरेका थिए । निरीक्षणपछि उनले अरनिको राजमार्ग व्यवस्थित गर्ने र तातोपानी नाका सुचारु गर्ने विषयमा आफूले पहल गर्ने बताए ।
सभामुख सापकोटाले तत्काल उद्धार, राहत, अस्थायी स्थानान्तरणमा ध्यान दिइने जानकारी दिंदै स्थायी स्थानान्तरणका लागि सिन्धुपाल्चोकका भूगोलको विस्तृत भौगर्भिक अध्ययन गरिने बताए । जिल्लामा परेको विपत्तिका विषयमा विज्ञहरुसँग छलफल गरेर स्थानीयलाई सुरक्षित रुपमा बस्ने व्यबस्था गरिने उनले प्रतिवद्धता पनि व्यक्त गरे ।
