१ चैत्र । अक्षय कुमारको फिल्म सूर्यवंशीको प्रदर्शन मिति सार्वजनिक भएको छ। निर्देशक रोहित शेट्टीले आइतवार आफ्नो ४८ औ जन्मदिनमा सूर्यवंशीको प्रदर्शन मिति डेढ महिनापछि अर्थात ३० अप्रिलमा तोकेका हुन्।
इंस्टाग्राममार्फत रोहितले फिल्मका लागि एक वर्ष प्रतिक्षा गरेकोमा दर्शकलाई धन्यवाद दिँदै अप्रिल अन्तिम साता प्रदर्शन गर्ने जानकारी दिएका छन् ।
रोहितले सिनेमा हल खोल्ने महाराष्ट्र सरकारको निर्णयको पनि स्वागत गरेका छन्। यसअघि तोकिएको प्रदर्शन मिति कोभिड १९ महामारी र लकडाउनका कारण स्थगित भएको थियो।
फिल्ममा कट्रिना कैफ, अजय देवगन र रणवीर सिंह पनि महत्वपूर्ण भूमिका छ।