फागुन २३ । जिल्ला प्रहरी कार्यालय दाङले कलेज पढ्न आउने विद्यार्थी लक्षित चेकजाँच अभियान सुरू गरेको छ ।
दाङ जिल्लामा दुर्घटना न्यूनिकरणका लागि विद्यार्थीहरूलाई लक्षित एम्वुसिङ अभियान सञ्चालन गरिएको हो ।
दुर्घटनाको दरमा वृद्धि हुन नदिन र चालक अनुमतिपत्रविना सवारी साधन चलाउने विभिन्न कलेज क्षेत्रमा अध्ययनरत विद्यार्थीहरूलाई चेकजाँच गर्न लागिएको जिल्ला प्रहरी कार्यालय दाङका प्रवक्ता डिएसपी मुकुन्द रिजालले बताए ।
चेक जाँचको क्रममा सवारी चालक अनुमतिपत्रविना सवारीसाधन चलाउने १ दर्जन सवारीसाधनलाई नियन्त्रणमा लिइएको डिएसपी रिजालले बताए ।
डिएसपी रिजालले भने, ुहामीले भर्खर कलेज पढ्ने मोडिफाई,रफ ड्राईभिङ र चालक अनुमतिपत्र विना मोटरसाईकल,सवारीसाधन चलाउने विरूद अभियाननै सञ्चालन गरि कारबाही गरिरहेका छौ ।ु
जिल्ला प्रहरी कार्यालय दाङका अनुसार कलेज लक्षित अभियान १ महिना सम्म सञ्चालन गरिने र सुधार नआए थप समेत हुने जानकारी गराएको छ ।