फागुन १५ । गायक सत्यराज आचार्यको नयाँ गीत सार्वजनिक भएको छ। ुम बाँच्नुको आधार तिमीु बोलको गीत शुक्रबार युट्युबमा सार्वजनिक भएको हो।
गीतमा आचार्यसँगै वसन्त प्रकृतिले स्वर दिएकी छिन्। गीत दुर्गाप्रसाद आचार्यको शब्द तथा संगीतमा तयार भएको हो। भिडिओसहित सार्वजनिक गीतमा रंगकर्मी मिलन कार्की र रक्षा थापाको अभिनय छ। भिडिओ रंगमञ्चमा सक्रिय अंकित बासु र आयान खड्काले संयुक्त निर्देशन गरेका हुन्।
गीतमा मिलन कार्की वृद्ध मजदुरको भूमिकामा देखिएका छन्। हराएकी छोरीको स्मृतिमा हराइराख्ने उनी बाटो हिँड्ने हरेक कलिला अनुहारमा आफ्नै छोरीको झझल्को भेट्छन्। बुबा छोरीबीचको आत्मीय सम्बन्ध चित्रण गर्ने यो गीतको भिडिओमा आल्मा खतिवडा, सुचित्रा उप्रेती, क्रिजन महतलगायत कलाकारको पनि अभिनय देख्न सकिन्छ।
भिडियोलाई आदित्य बस्नेत र सौगात मानसिंह बस्नेतले खिचेका हुन्।
