फागुन १३। अभिनेता प्रशान्त ताम्राकार भोजपुर फिल्ममा पनि भिलेको रुपमा देखिने भएका छन् । चन्द्र पन्तको निर्देशन रहेको फिल्म ‘माही’मा उनी भिलेको रुपमा देखिन लागेका हुन् । पन्तले बलिउड, भोजपुरी र नेपाली कलाकार लिएर बनाउन लागेको यो फिल्मको अहिले छायाँकन भैरहेको छ । भोजपुरी स्टार आनन्द ओझा नायक रहेको फिल्ममा अभिनेत्री नीता ढुङ्गाना हिरोइनको रुपमा रहेकी छन् ।
फिल्ममा बलिउड कलाकार प्रदीप रावत समेत मुख्य रहेनछ । रावत र ताम्राकार फिल्ममा भिलेनको रुपमा देखिने निर्माण युनिटले जनाएको छ । फिल्ममा नेपाली कलाकार नरेन खड्काको समेत अभिनय रहनेछ । फिल्मको अहिले २० प्रतिशत छायाँंकन सकिएको छ । प्रशान्त पछिल्लो समय नेपाली फिल्म क्षेत्रमा ह्याण्डसम भिलेनको रुपमा परिचित छन् ।