Nepali Unicode | Preeti to Unicode
 BREAKING
गोठाटार गोलीकाण्ड : लाल मोहम्मदको हत्यामा संलग्न ३ जना पक्राउ | सिट बाँडफाँडमा कार्यदल विभाजित, फेरि शीर्ष नेताकै जिम्मामा | एमालेमा १३५ सिटका उम्मेदवार टुंगिए | युक्रेनको १५ प्रतिशत भूभाग रुसमा गाभेर घोषणा गर्दै पुटिन | पार्टीभित्र ठूलो शुद्धिकरणको अभियान चलाउनुपर्ने :महामन्त्री गगनकुमार थापा | राजनीतिमा भ्रष्टाचार गर्ने प्रवृत्ति बढ्दो : नेपाल | हर्क साम्पाङले कार्यपालिका सदस्यलाई ‘बाहिर जान’ भनेपछि बैठक बहिष्कार | सत्ता स्वार्थले प्रेरित गठबन्धन हुनु देशका लागि दुर्भाग्य :पूर्वराजा ज्ञानेन्द्र शाह | बालेनले भने – चाडपर्वको नाममा फुटपाथमा व्यापार गरे कारवाही हुन्छ | शेखरका मागप्रति देउवा लचिलो, छलफल निर्णायक |

फागुन १२ । ओलिभियर जिरुको उत्कृष्ट ओभरहेड किक गोलको मद्दतले चेल्सीले एथ्लेटिको म्याड्रिडलाई च्याम्पिन्यस लिगको अन्तिम १६ को पहिलो लेगमा पराजित गरेको छ । खेलको ६८ औँ मिनेटमा जिरुले गरेको एक्रोब्याटिक गोलले चेल्सीलाई अवे गोलको फाइदा पनि दिएको छ ।
जीतसँगै नयाँ म्यानेजर थोमास टुचेलको अपराजित यात्रा कायम रहेको छ भने टोली क्वार्टरफाइनलमा पुग्ने सम्भावना बलियो बनाएको छ । चेल्सी सन् २०१३–१४ सिजनपछि पहिलोपटक क्वार्टरफाइनल पुग्ने आशामा रहेको छ ।
कोभिड–१९ का कारण खेल स्पेनको साटो रोमानियामा आयोजना गरिएको थियो । खेलमा एथ्लेटिकोले चेल्सीको पोष्टमा एक पनि प्रहार गर्न असफल रह्यो ।
उता, साबिक विजेता बायर्न म्युनिखले इटालियन क्लब लाजियोविरुद्ध गोलवर्षा गरेको छ । बायर्नले लाजियोलाई उसैको घरमा ४–१ गोलले पराजित गरेको हो ।
रोबर्ट लेवान्डोस्कीले खेलको सुरुवातमा नै बायर्नलाई अग्रता दिलाए । उनको यो प्रतियोगितामा ७२ औँ गोल थियो । उनले प्रतियोगिताको सर्वाधिक गोलकर्ताको सूचीको तेस्रो स्थानमा रियल म्याड्रिडका लिजेन्ड राउललाई उछिनेका छन् ।
जमाल मुसाइलाले बायर्नको अग्रता दोब्बर बनाए भने लेरोय सानेले अग्रता फराकिलो बनाए । दोस्रो हाफमा वाकिन कोरेयाले एक गोल फर्काए पनि लाजियोले आत्मघाती गोल गरेपछि बायर्नले सजिलै खेल आफ्नो पक्षमा पार्यो ।
अब दोस्रो लेग १७ मार्चमा हुनेछ ।

प्रतिक्रिया

सम्बन्धित खवर

ताजा समाचार

लोकप्रिय