११ फागुन। नेपाल ट्रष्टले कमलादीस्थित २ रोपनी ४ आना २ पैसा जग्गा लिजरभाडामा लगाउने भएको छ । ३० वर्षका लागि न्युनतम् १ अर्ब १७ करोड कबोल गनुपर्ने गरी सोमबार ट्रष्टले आशयपत्र आह्वान गरेको छ ।
काठमाडौं प्लाजासँगैको सो जग्गामा ब्यापार कम्प्लेक्स बनाउन दिने गरी ट्रष्टले बोलपत्र आह्वान गरेको हो । सो कम्प्लेक्स ३० वर्षपछि ट्रष्टको स्वामित्वमा आउने सहसचिव भीष्मराज भुसालले बताए ।
सम्झौता भएको मितिदेखि निर्माण अवधि ३ वर्ष समेत गरी जम्मा ३० वर्ष लिज अवधि कायम हुनेछ र सो अवधि समाप्त भएपछि निर्मित भवन लगायत सम्पूर्ण भौतिक संरचनाहरु तथा जडित सामग्रीहरु स्वतः नेपाल ट्रष्ट कार्यालयको स्वामित्वमा सर्नेछ ।
प्रस्तावदाताले लिज प्रस्ताव सम्बन्धी कागजात खरिद गर्दा लिखित निवेदनको साथै कम्पनी वा संस्था दर्ता प्रमाणपत्र (नवीकरण गर्नुपर्ने भए सो समेत गरेको०, मूल्य अभिवृद्धि कर र स्थायी लेखा नम्बर दर्ता प्रमाणपत्र, आव २०७६र७७ को कर चुक्ता प्रमाणपत्रको प्रतिलिपीहरु नोटरी पब्लिकबाट प्रमाणित गरी पेश गर्नुपर्नेछ ।
प्रस्तावपत्रमा उल्लेख भए बमोजिमका सम्पूर्ण कागजातहरु समावेश गरी आफ्नै खर्चबाट आर्थिक र प्राविधिक प्रस्ताव तयार लगरी छुट्टाछुट्टै खाममा सिलवन्दी गरी पुनः एउटै खाममा राखी सिलवन्दी गरी प्रस्तुत गर्नुपन सूचनामा उल्लेख छ ।
सो जग्गामा बन्ने भवनको अवधारणात्मक डिजाइन, नक्शा र प्रारम्भिक लागत अनुमान सहितको प्रस्ताव पेश गर्नु पर्नेछ ।
लिज दिने जग्गा, सोमा जडान हुने भौतिक सामग्री, स्थायी सेवा सुविधा र निर्मित भवन तथा संरचनाहरुको प्रचलित कानून बमोजिम लाग्ने कर महसुल आदि लीज अवधिभर लिज प्राप्तकर्ताले तिर्नु पर्नेछ र जग्गा तथा निर्मित भौतिक संरचनाको सुरक्षा एवं संरक्षणको दायित्व समेत प्रस्तावदाताले लिई रहनु पर्ने सूचनामा उल्लेख छ ।
गुणस्तरयुक्त निर्माण सामग्री र प्रविधिको प्रयोग गरी भवन निर्माण मापदण्ड तथा राष्ट्रिय भवन संहिता अनुकूल सुरक्षित र आपत्कालीन सुरक्षाको उचित प्रवन्ध सहितको आधुनिक सुविधा सम्पन्न भवन निर्माण गर्नुपर्ने ट्रस्टले बताएको छ ।
प्रस्ताव स्वीकृत गर्ने आशय पत्र प्रदान गरेको १२० दिनभित्र भवन तथा आवश्यक सम्पूर्ण अन्य संरचनाको विस्तृत इन्जिनियरिङ्ग डिजाइन तथा लागत अनुमान प्रस्तावकले आफ्नै खर्चमा बनाई सम्झौता गर्नु अगावै पेश गर्नुपर्नेछ ।
पेश भएको डिजाइन, लगानी रकम र ट्रष्टले प्राप्त गर्ने प्रतिफल तुलनात्मक रुपमा उपयुक्त छ भन्ने ट्रष्टलाई नलागेमा नेपाल ट्रृष्ट कार्यालयले प्राप्त प्रस्ताव रद्द गर्न सक्नेछ ।
ट्रष्टबाट लिखित रुपमा अन्यथा निर्देशन भएमा बाहेक सुरु प्रस्तावमा पेश गरेको अवधारणा डिजाइन अनुरुप नै विस्तृत इन्जिनियरिङ्ग डिजाइन तयार गर्नुपर्नेछ ।
सो जग्गामा व्यापारिक भवन निर्माण गर्न भवन निर्माण मापदण्ड अनुसारको नक्सा तयार गर्दा सकेसम्म बढी तला र क्षेत्रफल चर्चिने गरी जग्गाको अधिकतम उपयोग गर्नु पर्नेछ ।
प्रस्तावदाताले लिज प्रस्ताव सम्बन्धी कागजात खरिद गरेको बढीमा अन्य कुनै २ वटासम्म कम्पनीसँग संयुक्त पनि प्रस्ताव दिन सक्नेछ ।