१८ माघ । चितवनको भरतपुर आँपटारीमा मालबाहक सवारी साधनलाई व्यवस्थित गर्न मुलुकमै पहिलो पटक तौलपुल स्टेशन सञ्चालनमा आएको छ । अत्याधिक मालबाहक सवारीका कारण सडक जिर्ण बन्ने क्रम बढेको र दुर्घटना समेत रोक्न देशकै केन्द्र भाग नारायणगढ मुग्लिन सडक खण्डको भरतपुरको १ आंपटारीमा पहिलो तौल पुल स्टेशन सञ्चालनमा आएको हो । एक भव्य समारोहका विच आज भौतिक पूर्वाधार तथा यातायात मन्त्री बसन्त नेम्बाङले आज आइतबार तौल पुल स्टेशजको उद्घाटन गर्नुभयो ।
कानुनत मालबाहक सवारी साधनले प्रति एक्सल १० दशमलव २ टनभन्दा बढी वजन लिएर चलाउन नपाउने व्यवस्था छ । मन्त्री नेम्वाङले नयाँ बाटोहरुलाई प्रविधिमैत्री बनाउने अभियान अन्र्तगत तौलपुल स्टेशन सञ्चालनमा ल्याएको बताउनुभयो ।
उहाँले अन्य सडकहरुमा समेत तौल पुल बनाइने बताउनुभयो । तौलपुलले सडक संरक्षण र दुर्घना न्युनिकरणमा सघाउने बताउनुभयो । मन्त्री नेम्बाङले वर्तमान सरकारले चितवनलाइ विकासको मोडेल जिल्ला बनाउन लागिपरेको बताउनुभयो ।
भौतिक पूर्वाधार तथा यातायात्र मन्त्रालयको यातायात विभागले एक करोड २१ लाख, ७३ हजार ६६५ रुपैयाँ लागतमा तौलपुल स्टेशन निर्माण गरेको हो । १८ मिटर लामो तौलपुल ८० टन क्षमताको रहेको छ । यस तौलपुल स्टेशन संचालनका लागि यातायात व्यवस्था विभागले गत मंसिर १७ गते प्रहरी प्रधान कार्यालय, राजमार्ग सुरक्षा तथा ट्राफिक निर्देशनालयसंग समझादारी गरेको थियो ।
विभागका महानिर्देशक गोगनबहादुर हमालले तौलपुल निर्माण भएसंगै क्षमता भन्दा बढी वजन बोक्ने सवारी साधनहरुलाई अब तत्कालै जरिवानासहितको कारवाही गरिने जानकारी दिनुभयो