Nepali Unicode | Preeti to Unicode
 BREAKING
गोठाटार गोलीकाण्ड : लाल मोहम्मदको हत्यामा संलग्न ३ जना पक्राउ | सिट बाँडफाँडमा कार्यदल विभाजित, फेरि शीर्ष नेताकै जिम्मामा | एमालेमा १३५ सिटका उम्मेदवार टुंगिए | युक्रेनको १५ प्रतिशत भूभाग रुसमा गाभेर घोषणा गर्दै पुटिन | पार्टीभित्र ठूलो शुद्धिकरणको अभियान चलाउनुपर्ने :महामन्त्री गगनकुमार थापा | राजनीतिमा भ्रष्टाचार गर्ने प्रवृत्ति बढ्दो : नेपाल | हर्क साम्पाङले कार्यपालिका सदस्यलाई ‘बाहिर जान’ भनेपछि बैठक बहिष्कार | सत्ता स्वार्थले प्रेरित गठबन्धन हुनु देशका लागि दुर्भाग्य :पूर्वराजा ज्ञानेन्द्र शाह | बालेनले भने – चाडपर्वको नाममा फुटपाथमा व्यापार गरे कारवाही हुन्छ | शेखरका मागप्रति देउवा लचिलो, छलफल निर्णायक |

१५ माघ,। कोभिड–१९ विरुद्ध खोप ल्याउनुपर्ने बेलामा प्रदेश १ सरकारले कोरोना जाँच गर्ने पीसीआर मेसिन खरिदको प्रक्रिया अगाडि बढाएको छ ।
प्रदेश जनस्वास्थ्य प्रयोगशालाले अटोमेटिक आरटी पीसीआर मेसिन खरिदको प्रक्रिया सुरु गरेको हो । लगभग दुई करोड ५० लाख रुपैयाँमा मेसिन खरिदका लागि माघ ११ गते टेण्डर आह्वान गरिएको छ ।
प्रदेश १ जनस्वास्थ्य प्रयोगशालामै चारवटा पीसीआर मेसिन छन्, जसमध्ये एउटा मात्र सञ्चालनमा छ । दुईवटा पोर्टेबल मेसिन थन्किएका छन् । स्वीस सरकारबाट अनुदानमा आएको रोस कम्पनीको मेसिन रिएजेन्ट किट नभएर प्रयोगविहीन छ ।
तर प्रदेश जनस्वास्थ्य प्रयोगशालाले कोरोना जाँचका लागि एउटा मात्र मेसिन सञ्चालन गरेको छ ।
प्रदेश १ मै कोशी अस्पताल, वीपी कोइराला स्वास्थ्य विज्ञान प्रतिष्ठान धरान, मेची अस्पताल झापा, प्रदेश जनस्वास्थ्य प्रयोगशालामा पीसीआर मेसिन छन् । विराट मेडिकल कलेज, नोबेल मेडिकल कलेज र न्यूरो अस्पतालमा पनि पीसीआर मेसिन सञ्चालनमा छन् । हिजोआज परीक्षणका लागि पर्याप्त स्वाब नआउँदा ल्याबहरु पूर्ण क्षमतामा पनि चलेका छैनन् ।
तर प्रदेश जनस्वास्थ्य प्रयोगशालाले भने नयाँ पीसीआर मेसिन खरिद गर्ने तयारी गरेको छ । ‘प्रदेश १ प्रयोगशालामा दुई वटा चाइनिज र एउटा रोस कम्पनीको मेसिन प्रयोगविहीन छ । बिग्रिएको हो भने मर्मतका लागि दुई वर्षको वारेन्टी हुन्छ’ स्रोतले भन्यो, ‘तर फेरि सोही प्रकृतिको मेसिन खरिद गर्नु गलत हो ।’
प्रदेश १ जनस्वास्थ्य प्रयोगशालाका सूचना अधिकारी प्रकाश कार्कीले आधुनिक प्रविधिको अटोमेटिक आरटी पीसीआर मेसिन खरिदको प्रक्रिया सुरु गरिएको बताए । उनकाअनुसार यो मेसिनमा कोरोना मात्र नभई अन्य रोगको पनि जाँच हुन्छ । ‘खरिद गर्न खोजेको मेसिन अटोमेटिक हो । स्वाब हालेपछि एकै पटक रिपोर्ट आउँछ’ उनले भने ‘अन्य रोगको पनि जाँच गर्न सकिन्छ ।’
प्रदेश १ सामाजिक विकास मन्त्रालयका सचिव गोबिन्दबहादुर कार्कीले चालु आर्थिक वर्षको बजेटमा बजेट छुट्याइएकाले मेसिन खरिदका लागि प्रक्रिया सुरु गरेको जानकारी दिए । उनका अनुसार प्रदेश १ प्रयोगशालाको नयाँ संरचना पनि बनिरहेकाले अन्य परीक्षण पनि गर्न मिल्ने खालको मेसिन खरिद गर्न लागिएको हो ।
सामाजिक विकास मन्त्रालयले चालु आर्थिक वर्षका लागि मेसिनरी उपकरण खरिदका लागि चालू आर्थिक वर्षमा ४ करोड १३ लाख ९ हजार रुपैयाँ बजेट विनियोजन गरेको छ ।

प्रतिक्रिया

सम्बन्धित खवर

ताजा समाचार

लोकप्रिय