माघ १४। प्रधानमन्त्री कप एकदिवसीय राष्ट्रिय पुरुष क्रिकेट प्रतियोगिताअन्तर्गत पहिलो सेमिफाइनल खेलमा एपीएफले नेपाल पुलिस क्लबलाई २०४ रनको लक्ष्य दिएको छ ।
बुधबार कीर्तिपुरस्थित त्रिवि क्रिकेट मैदानमा टस हारेर पहिले ब्याटिङ गरेको एपीएफले निर्धारित ५० ओभरमा ९ विकेट गुमाउँदै २०३ रन बनाएको हो ।
एपीएफका लागि शंकर रानाले ९६ बल खेल्दै ४ चौकाको सहयोगमा सर्वाधिक ४४ रन बनाए । त्यस्तै, सन्दीप जोराले ३४ रन बनाउँदा भुवन कार्कीले ४२ रनको योगदान गरे । कप्तान शरद भेषवाकरले १८ रन बनाए । १०औं नम्बरमा ब्याटिङ गर्न आएका उनले अन्तिम दुई बलमा एक छक्का र एक चौका प्रहार गरे ।
बलिङतर्फ पुलिसका लागि आरिफ शेखले सार्वधिक ३ विकेट लिए । १० ओभर बलिङ गरेका उनले एक मेडन ओभरसहित ३१ रन खर्चिए । त्यस्तै, दीपेन्द्रसिंह ऐरी र ललित राजवंशीलले २र२ विकेट लिए । रासिद खान र सागर ढककालले समान एकरएक विकेट लिए ।