१० माघ। प्रधानमन्त्री कप पुरुष राष्ट्रिय क्रिकेट प्रतियोगितामा आज पनि दुई खेल हुँदैछ ।
समूह ए अन्तर्गत विभागीय टोली एपीएफ र कर्णाली प्रदेशबीचको खेल कीर्तिपुरस्थित टीयू अन्तर्राष्ट्रिय मैदानमा सुरुभएको छ । खेलमा उपीएफले टस जितेर पहिले ब्याटिङ रोजेको छ । एपीएफले आज पहिलो रोजाइका तीन खेलाडीलाई आराम दिएको छ । आसिफ शेख, प्रदीप ऐरी र अभिनाश बोहरा आज खेलेका छैनन् ।
समूह एबाट अर्को विभागीय टोली त्रिभुवन आर्मीले यसअघि नै सेमिफाइनलमा स्थान पक्का गरिसकेको छ भने प्रदेश १ र गण्डकी प्रदेश बाहिरिसकेको छ ।
अब एपीएफ र कर्णालीमा एक टिममात्र सेमिफाइनल पुग्नेछ । यसअघि लगातार दुई खेल जितेको एपीएफले कर्णालीलाई पराजित गरेमा समूहको अन्तिम खेल खेल्नुअघि नै सेमिफाइनलमा स्थान बनाउनेछ ।
कर्णालीले भने सेमिफाइनल सम्भावना कायमै राख्न एपीएफलाई पराजित गर्नुपर्नेछ । अनी अन्तिम खेलमा एपीएफ आर्मीसँग पनि फराकिलो अन्तरले हार्नुपर्नेछ । तर एपीएफलाई हराउनु कर्णालीको लागि ठूलो चुनौती छ ।
आर्मी र प्रदेश १ सँग पराजित भएको कर्णालीले गण्डकीलाई हराएको थियो ।
एपीएफले भने प्रदेश १ र गण्डकीलाई पराजित गरेको थियो । यस समूहको अन्तिम खेल माघ गते आर्मी र एपीएफबीच हुनेछ ।
यस्तै समूह बी अन्तर्गत लुम्बिनी र सुदूरपश्चिम प्रदेशबीचको खेल मुलपानी क्रिकेट मैदानमा सुरु भएको छ । खेलमा लुम्बिनीले टस जिेर फिल्डिङ रोजेपछि सुदूरपश्चिम पहिले ब्याटिङ र्दैछ ।
यसअघि एक खेलमा जित र एक हारको नतिजा निकालेको लुम्बिनीका लागि सेमिफाइनल सम्भावना कायम राख्न जित आवश्यक छ । समूह ए मा बागमति ३ खेल जितेर ६ अंकसहित शीर्ष स्थानमा छ भने ३ खेलमा ४ अंक जोडेको पुलिस दोस्रो स्थानमा छ ।
सुदूरपश्चिम यसअघिका दुवै खेलमा पराजित हुँदैछ अन्तिम स्थानमा छ ।
लुम्बिनीसग पराजित भएमा सुदूरपश्चिम समूहको अन्तिम खेल खेल्नुअघि नै प्रतियोगिताबाट बाहिरिनेछ ।