२८ पुष । विकास र समृद्धिका लागि केन्द्र राजनीतिले स्थानिय तहका विकास आयोजनालाई प्रभाव पार्न नहुने भरतपुर महानगरपालिकाकी मेयर रेनु दाहालले बताएकी छन् ।
केन्द्रको राजनैतिक किचलो आफ्नै ठाँउमा छ, उनले भनिन्, हामी विकास र समृद्धीका लागि कटिवद्ध भएर काम गरेका छौँ, यसमा प्रभाव पार्नु हुदैन् । विकास र समृद्धीमा राजनिति नगरौँ ।
सातौँ नगरसभाका विषयमा जानकारी गराउन आयोजित पत्रकार सम्मेलनमा बोल्दै मेयर रेनुले केन्द्रिय राजनीतिको प्रभाव भरतपुरमा पर्न नदिन आफु प्रतिवद्ध रहेको प्रष्ट पारिन् । “भरतपुर महानगर विकास र समृद्धि चाहन्छ , हामी कुनै पनि अस्थिरताको कारण हाम्रो विकासलाई रोक्न सक्दैनौ ।” उनले भनिन, “जनताले हामीलाई समृद्धि र विकासको लागी मत दिएका हुन्। हामी त्यसैमा केन्द्रित छौ। आन्तरिक किचलो गर्ने हामीलाई छुट छैन। ”