Nepali Unicode | Preeti to Unicode
 BREAKING
गोठाटार गोलीकाण्ड : लाल मोहम्मदको हत्यामा संलग्न ३ जना पक्राउ | सिट बाँडफाँडमा कार्यदल विभाजित, फेरि शीर्ष नेताकै जिम्मामा | एमालेमा १३५ सिटका उम्मेदवार टुंगिए | युक्रेनको १५ प्रतिशत भूभाग रुसमा गाभेर घोषणा गर्दै पुटिन | पार्टीभित्र ठूलो शुद्धिकरणको अभियान चलाउनुपर्ने :महामन्त्री गगनकुमार थापा | राजनीतिमा भ्रष्टाचार गर्ने प्रवृत्ति बढ्दो : नेपाल | हर्क साम्पाङले कार्यपालिका सदस्यलाई ‘बाहिर जान’ भनेपछि बैठक बहिष्कार | सत्ता स्वार्थले प्रेरित गठबन्धन हुनु देशका लागि दुर्भाग्य :पूर्वराजा ज्ञानेन्द्र शाह | बालेनले भने – चाडपर्वको नाममा फुटपाथमा व्यापार गरे कारवाही हुन्छ | शेखरका मागप्रति देउवा लचिलो, छलफल निर्णायक |

२७ पुस । नेपाल खेलकुद पत्रकार मञ्च एनएसजेएफले वर्ष २०७६ भर गरेको उत्कृष्ट प्रदर्शन र प्राप्त उपलब्धीको आधारमा यही पुस २८ गते एनएसजेएफ बजाज पल्सर स्पोर्ट्स अवार्ड २०७६ आयोजना गर्दैछ ।
विक्रम संवत् २०५३ सालदेखि सुरु भएको अवार्डको यो १७औं संस्करण हो । दोस्रो संस्करण आयोजनाका लागि २०६० सालसम्म कुर्नुपरे पनि त्यता निरन्तर अवार्ड हुँदै आएको छ ।
विनाशकारी भूकम्पका कारण २०७१ सालको अवार्ड कार्यक्रम भने आयोजना हुन सकेन । यस पटक पनि कोरोना महामारीले गर्दा नेपाली खेलकुद प्रभावित बन्यो । तर २०७६ सालमा नेपालले राष्ट्रिय र अन्तर्राष्ट्रिय स्तरमा ठूला प्रतियोगिता खेलेको र महत्वपूर्ण उपलब्धी हासिल गरेकाले पनि एनएसजेएफले ढिलै भएपनि अवार्ड कार्यक्रम आयोजना गर्दैछ ।
खेलाडी र खेलकर्मीलाई सम्मान गर्ने यस अवार्ड नेपाली खेलकुदकै सबैभन्दा ठूलो अवार्ड हो । २०५४ सालमा वर्ष खेलाडी पुरुष, महिला, वर्ष प्रशिक्षक र लाइफटाइम अचिभमेन्ट गरी चार विधाको अवार्ड वितरण गरिएको थियो । अहिले अवार्डको विधा थपिएर १० पुगेको छ ।
२०६० सालमा फेरि अवार्ड सुरु हुँदा महिला र पुरुष उत्कृष्टलाई मात्र अवार्ड दिइयो । २०६१ मा युवा विधा थप भयो । २०६२ मा महिला, पुरुष, युवा, प्रशिक्षक र लाइफटाइमसहित ५ विधा बन्यो । यसयता भने अवार्डमा विभिन्न विधा थपिँदै आएको छ । २०६३ मा स्पेशल विधा थपिँदा २०६४ मा पनि ६ विधा निरन्तर रह्यो । २०६५ मा लोकप्रिय विधा थप गरियो र ७ विधा पुग्‍यो ।
२०६७ मा अझ दायरा फराकिलो भयो । पारा एथलिट अवार्ड थपियो । यस्तै साहसिक अवार्ड र जादुयी अवार्ड पनि वितरण गरिएको थियो ।
अवार्डको पहिलो संस्करणमा फुटबलका देवनारायण चौधरी र तेक्वान्दोकी संगीना वैद्य विजयी भएका थिए ।
२०६० र ६१ मा एथ्लेटिक्सका राजेन्द्र भण्डारीले लगातार दुई पटक अवार्ड जित्दै दबदबा बनाए । २०६२ क्रिकेटर विनोद दासले अवार्ड जिते । २०६३ र २०६४ मा तेक्वान्दोमा दिपक विष्ट हावी बने । राजेन्द्रपछि लगातार दुई अवार्ड जित्ने खेलाडी बने विष्ट ।
त्यसपछि चार संस्करणमा फरक फरक खेलाडीले अवार्ड जिते । २०६५ मा फुटबलर जुमानु राई, २०६६ मा क्रिकेटर पारस खड्का २०६७ मा बक्सिङका दीपक महर्जन तथा २०६८ मा गल्फका शिवराम श्रेष्ठले अवार्ड जिते ।
२०६९ मा पारसले पुनस् अवार्ड जित्दै राजेन्द्र र दीपकसँगै दुई अवार्ड बराबरी गरे । २०७० मा फेरि अवार्ड जित्दै लगातार दुई पटक जित्ने तेस्रो खेलाडी बनेका पारस सर्वाधिक ३ अवार्ड जित्ने खेलाडी बने । पारसले २०७४ सालमा पनि वर्षको उत्कृष्ट खेलाडीको अवार्ड जित्दै कीर्तिमानी चौथो पटक अवार्ड जिते ।
पारसले त्यसअघि २०६४ मा वर्ष युवा खेलाडीको अवार्ड समेत जितेका थिए । पछिल्लो एक दशकमा पारसले स्पोर्ट्स अवार्डमा दबदबा नै कायम गरे । २०६६ यता उनी ६ पटक वर्ष खेलाडीको अवार्डमा मनोनयनमा परे भने सर्वाधिक ४ पटक अवार्ड जिते । २०६८ र २०७५ मा भने पारसले अवार्ड जित्न सकेनन् ।
पारसबाहेक करातेकी गंगा अधिकारीले पनि यस दशकमा दुई अवार्ड जितिन् । उनले २०६६ र २०६९ मा वर्ष महिला खेलाडीको अवार्ड जितिन् । यस्तै पुबुदु दासानायकेले २०६९ र २०७० मा लगातार दुई पटक वर्ष प्रशिक्षकको अवार्ड जितेका थिए ।

प्रतिक्रिया

सम्बन्धित खवर

ताजा समाचार

लोकप्रिय