पौष २६ । नागरिक अगुवा डा देवेन्द्रराज पाण्डे र कृष्ण पहाडीले संयुक्त विज्ञप्ति जारी गर्दै प्रमुख प्रतिपक्ष दल कांग्रेसका सभापति शेरबहादुर देउवाको ढुलमूले नीतिका कारण अहिलेको राजनीतिक अवस्था चिन्ताग्रस्त बनेको बताएका छन् ।
उनीहरुले संयुक्तरुपमा एक विज्ञप्ति जारी गर्दै भनेका छन्, “ प्रधानमन्त्री केपी शर्मा ओलीको यो कृत्य प्रतिगमनका लागि औजार हुन पुगेको छ भने आफूलाई लोकतान्त्रिक मूल्य मान्यताको धरोहर दाबी गर्ने प्रमुख प्रतिपक्ष नेपाली कांग्रेसका सभापति शेरबहादुर देउवाको सदावहार ढुलमुले चरित्र थप चिन्ताको विषय भएको छ । नागरिकमा बढ्दै गएको वितृष्णालाई अन्त्य गर्न प्रमुख राजनीतिक दलहरुले विगतमा गरेका गल्तीहरुप्रति क्षमायाचना गरुन् ।”
अगुवाद्वयले हठात् प्रतिनिधिसभाको विघटन र प्रतिगमनको बढ्दो चलखेलले लोकतन्त्र, शान्ति र समृद्धिका पक्षधर समस्त स्वाभिमानी नागरिकलाई चिन्तित तुल्याएको बताएका छन् ।
