पौष २२ । ललितपुर प्रहरी कन्ट्रोलमा फोन गरी अनावश्यक हैरानी दिने एकजना पक्राउ परेका छन् ।
महानगरीय प्रहरी परिसर ललितपुरको प्रहरी कन्ट्रोलमा फोन गरी अनावश्यक हैरानी दिएको आरोपमा महालक्ष्मी नगरपालिका ४, कमलपोखरी बस्ने काभ्रे घर भएका ३८ वर्षीय रामकुमार श्रेष्ठलाई प्रहरीले पक्राउ गरेको हो ।
श्रेष्ठले प्रहरी कन्ट्रोलमा फोन गरी रातिसम्ममा ठूलो ‘क्राइम’ गर्छु अनि आफू पनि मर्छु भनेर अनावश्यक हैरानी दिएपछि तत्काल खटिएको प्रहरीले उनलाई नियन्त्रणमा लिएको हो ।
श्रेष्ठमाथि थप अनुसन्धान भइरहेको महानगरीय प्रहरी परिसर ललितपुरले जनाएको छ ।
