पौष १२ । लघुकथाकार सुरेन्द्रलाल भुजूद्वारा लिखित लघुकथासंग्रह ‘हाकुगु सुपाँय सिथय्या जः’ एक समारोहका बीच सार्वजनिक भएको छ ।
कुतः पिकाक र सिर्जना अभियान समाजको संयुक्त आयोजनामा भएको कार्यक्रममा नेपाल साहित्य मन्दिरका अध्यक्ष तिलक प्रकाशले लेखकलाई चिनाउन कृति चाहिने भएकाले स्रष्टा सुरेन्द्रलाल भुजूलाई चिन्न सजिलो हुने उल्लेख गरे ।
पुस्तकभित्रका लघुकथाहरूबारे टिप्पणी गर्दै कथाकार ध्रुव मधिकर्मीले प्रस्तुत लघुकथाहरू जीवनका विविध क्षण र अवस्थाहरूसित सम्बन्धित भएकाले पाठकका लागि रुचिकर हुने बताए ।
भुजूले जीवनमा देखेभोगेका विषयबाट लेख्ने प्रेरणा मिलेको आफ्नो अनुभूति सुनाए । कार्यक्रममा विराट गुथिका अध्यक्ष महेन्द्रगोपाल कर्माचार्य र प्रकाशक विमल ताम्राकारले स्रष्टालाई शुभकामना दिएका थिए ।
