त्यहींबाट उनी राति १० बजेतिर फरार भएको डोटी जिल्ला प्रहरी कार्यालयका प्रमुख एसपी जनक पाण्डेले जानकारी दिए।

उनका अनुसार उनी आइसोलेसन कक्षको झ्याल फोरेर भागेका हुन्।

‘तर भर्खरै उनी फेला परेको खबर आएको छ,’ घटनास्थलतर्फ जाँदै गरेका उनले टेलिफोनमा नेपालखबरसँग भने, ‘उनी नै हुन् कि होइनन्, त्यहीं पुगेपछि थाहा हुन्छ, अहिले म गाडीमा जाँदै छु।’

उनले अगाडि भने, ‘डोटीकै पूर्वीचौकी गाउँपालिका भन्ने ठाउँमा उनी फेला परेको भन्ने बुझिएको छ। तर फोन सम्पर्क हुन सकेको छैन, त्यहाँ पुगेपछि वास्तविकता भन्न सकिन्छ।’

बोहराले सम्झनाको बलात्कारपछि हत्या गरेको स्वीकार गरिसकेका छन्।

उनको जन्ममिति विवादित भए पनि परिवारले उनी नाबालिग नै रहेको दाबी गरेपछि उनलाई सुधार गृहमा राखिएको हो।