भारतले रुसमाथि लागेको कुनै पनि प्रतिबन्धको उल्लङ्घन नगरेको अमेरिकाले जनाएको छ ।
भारतका प्रधानमन्त्री नरेन्द्र मोदी र अमेरिकी राष्ट्रपति जो बाइडेनकाबीच भएको भर्चुअल भेटघाटपछि रुसबाट तेल आयात गरेको विषयमा भारतले रुसमाथि लागेको कुनै पनि प्रतिबन्धको उल्लङ्घन नगरेको भनाइ आएको हो । ह्वाइट हाउसका प्रेस सचिव जेन साकीका अनुसार दुवै देशबीचको वार्ता सकारात्मक भएको छ ।
साकीलाई बाइडेनले भारतमा रुसबाट ऊर्जा कारोबार सीमित गर्न दबाब दिएको हो वा होइन भन्ने प्रशन गरिएको थियो । यसमा उनले उर्जा आयात प्रतिबन्धित नभएको र भारतले प्रतिबन्धको उल्लङ्घन नगरेको बताएकी छिन् ।
‘भारतले रुसबाट केवल एक-दुई प्रतिशत तेल मात्रै खरिद गर्छ भने अमेरिकाबाट १० प्रतिशत खरिद गर्छ । यो कुनै पनि प्रतिबन्धको उल्लङ्घन होइन,’ साकीले भनिन् ।
साकीका अनुसार बाइडेनले प्रधानमन्त्री मोदीसँग रुसबाट प्रत्येक उत्पादनको आयात बढाउन भारतको हितमा नभएको बताएका थिए ।
–बिबिसीबाट
प्रतिक्रिया
सम्बन्धित खवर
