बारा । बारामा एक हजार दुई सय १६ थान नक्कली नोटसहित दुईजना पक्राउ परेका छन् ।
सिम्रौनगढ नगरपालिका ९, बसवरिया नहरबाट एक हजार दरको नक्कली नोट एक हजार २ सय १६ थानसहित २ जनालाई प्रहरीले पक्राउ गरेको हो ।
पक्राउ पर्नेहरुमा बारागढी गाउँपालिका ५, सिघासनी बस्ने २३ वर्षीय बलिराम चौधरी र भारत बिहार मोतिहारी बस्ने २७ वर्षीय सन्दीप कुमार छन् ।
प्रहरीले बा.६४प ९७०६ नम्बरको मोटरसाइकलमा सवार उनीहरुलाई जाँच गर्ने क्रममा नक्कली नोटसहित फेला पारी पक्राउ गरेको हो । थप अनुसन्धानको गर्ने क्रममा उक्त नक्कली नोटहरू मोबाइल बिक्री गरी प्राप्त भएको तथा मोबाइल खरिद गर्ने व्यक्तिहरूले उक्त नोटहरू दिई ३० थान मोबाइल लिई फरार भएको खुल्न आएको जिल्ला प्रहरी कार्यालय बाराले जनाएको छ ।
मोबाइल लिई फरार भएका व्यक्तिहरुको प्रहरीले खोजी गर्नुका साथै थप अनुसन्धान गरिरहेको छ ।
