काठमाडौं । बार्सिलोना स्पेनिस ला लिगा फुटबलमा पराजित भएको छ । उपाधि दाबेदार बार्सिलोना ग्रानाडासँग पराजित भएको हो । बिहीबार राति भएको खेलमा बार्सिलोना ग्रानाडासँग २–१ ले हार्यो ।
घरेलु मैदानमा खेलको २३औँ मिनेटमा कप्तान लियोनल मेसीले गोल गर्दै बार्सिलोनालाई अग्रता दिलाएका थिए । ६३औँ मिनेटमा डार्विन माचिसले गोल गर्दै ग्रानाडालाई १–१ को बराबरीमा फर्काए ।
खेलको ७९औँ मिनेटमा जोर्गे मोलिनाले गोल गर्दै ग्रानाडालाई २–१ को जित दिलाए । जितसँगै ग्रानाडा ४५ अंक जोडेर आठौँ स्थानमा रहेको छ । पराजित बार्सिलोनाले ३३ खेलबाट ७१ अंक जोडेको छ । बार्सिलोना तेस्रो स्थानमा रहेको छ ।
