माघ २०। संवैधानिक परिषद्को भोलि बेलुका ५ बजेलाई बोलाइएको बैठक स्थगित भएको छ ।
प्रधानमन्त्री केपी शर्मा ओलीले बुधबारका लागि संवैधानिक परिषद्को बैठक बोलाएका थिए । बैठक बालुवाटारमा बस्ने बताइएको थियो । सो बैठक अर्को सूचना नभएसम्मका लागि स्थगित भएको जनाइएको छ ।
केही नियुक्ति र परिषद्को काम–कारबाहीबारे छलफल गर्न बैठक बोलाइएको बालुवाटार स्रोतको भनाइ थियो ।
गएको पुस ५ गते प्रतिनिधिसभा विघटन गर्नुपूर्व नै प्रधानमन्त्री केपी शर्मा ओलीले अध्यादेश ल्याएर रिक्त संवैधानिक पदहरू पूर्ति गरेका थिए । बुधबार नियुक्तिको ४५ दिन पूरा हुनेछ ।
संसदीय सुनुवाइ नभएपछि परिषद्ले सिफारिस गरेका पदहरू राष्ट्रपतिले सिधै नियुक्त गर्न सक्ने वैधानिक प्रावधान छ ।
