आमाबाबुले आफ्ना छोराछोरीका अगाडि जसरी व्यवहार गर्छन् र मानिसहरूप्रति आफ्नो दृष्टिकोण देखाउँछन्, त्यसले बालबालिकाको सोचाइ र व्यक्तित्वमा गहिरो प्रभाव पार्छ।

सकारात्मक मनोवृत्ति कायम राख्न र आफ्ना छोराछोरीमा स्वस्थ मानसिकताको प्रवर्द्धन गर्न, आमाबाबुले आफ्ना बच्चाहरूको अगाडि यी कुराहरू कहिल्यै गर्नुहुँदैन।

आक्रामक रूपमा झगडा गर्ने
जब बच्चाहरूले आफ्ना आमाबाबुलाई आक्रामक वा हिंसात्मक रूपमा लडिरहेको देख्छन्, तिनीहरूमा चिन्ता र असुरक्षाको भावना विकास हुन थाल्छ । कुनै पनि मतभेद सुल्झाउन झगडा वा वादविवाद नै गर्नुपर्छ भन्ने उनीहरुले महसुस गर्न थाल्छन्।

सार्वजनिक रूपमा आलोचना
यदि आमाबाबुले आफ्ना छोराछोरीको सार्वजनिक रूपमा आलोचना गर्छन् भने यसले उनीहरूको आत्मसम्मानलाई कम गर्छ । उनीहरूलाई लज्जित महसुस गराउँछ। यसले उनीहरूको आत्मविश्वास घटाउन सक्छ र उनीहरू असामाजिक हुन सक्छन् ।

झूट बोल्नु
आमाबाबुले छोराछोरीलाई झूट बोल्छन् वा गलत कुरा बुझाउँछन् भने बच्चाहरूले झूट बोल्नु वा साँचो भएको नाटक गर्नु सामान्य हो भनेर विश्वास गर्न सक्छन्।

आफ्ना समस्याहरू बालबालिकामाथि थोपर्ने
यदि तपाईंले आफ्ना व्यक्तिगत समस्याहरू वा तनाव बालबालिकामाथि थोपर्नुभयो भने वा उनीहरूका अगाडि व्यक्त गर्नुभयो भने उनीहरू बढी दबाब वा चिन्तामा बाँच्न थाल्छन्। यस कारण उनीहरू आफ्नो समस्या समाधान गर्न नकारात्मक समाधान खोज्न थाल्छन्।

कठोर भाषाको प्रयोग
यदि तपाईं बालबालिकाको अगाडि कठोर वा अपशब्दहरू प्रयोग गर्नुहुन्छ भने, उनीहरूले पनि सजिलैसँग यस्ता कुराहरू सिक्न सक्छन् । उनीहरुले त्यसलाई आफ्नो व्यवहारमा समावेश गर्न सक्छन्।

अस्वीकरण  (Disclaimer) : यो सामग्री हामीले एजेन्सीबाट लिएका हौँ । यसलाई पूर्ण ठानेर यहाँ बताइए बमोजिम आफैँ अभ्यास नगर्नुहोला, यसलाई आधार मानेर एकपटक सम्बन्धित विषयको चिकित्सकसँग परामर्श लिनुहोला ।