एसिया कप क्रिकेटका लागि पाकिस्तान पुगेको नेपाली क्रिकेट टीमलाई प्रधानमन्त्री पुष्पकमल दाहाल ‘प्रचण्ड’ ले जितको शुभकामना दिएका छन् ।
बुधबार पाकिस्तानमा रहेको नेपाली टीमसँग भर्चुअल बैठक गरेर प्रचण्डले जितको शुभकामना दिएका हुन् ।
एसिया कपको उद्घाटन खेलमा आज नेपालले पाकिस्तानसँग खेल्दैछ । खेलअघि खेलाडीसँग कुरा गर्दै प्रधानमन्त्री प्रचण्डले जितका लागि शुभकामना दिएका हुन् ।
प्रधानमन्त्रीले प्रतियोगितामा नेपालले राम्रो नतिजा निकाल्ने विश्वास व्यक्त गर्दै खेल क्षेत्रको विकास र खेलाडीहरूको हितका निम्ति आफूले हमेसा ध्यान दिएको बताएका छन् ।
भर्चुअल बैठकमा नेपाली टीमका कप्तान रोहित पौडेलले टोलीले राम्रो तयारी गरिरहेको बताए । पाकिस्तानसँग उच्च मनोबलका साथ मैदान उत्रने बताए ।
