संघिय सरकारले कोशी प्रदेशको नामकरणविरूद्ध भएको आन्दोलनमा मृत्यु भएका पदम लिम्बुलाई सहिद घोषणा गर्ने निर्णय गरेको छ । शुक्रबार बसेको मन्त्रिपरिषद् बैठकले लिम्बुलाई सहिद घोषणा गर्ने निर्णय गरेको हो ।
संस्कृति, पर्यटन तथा नागरिक उड्डयन मन्त्री सुदन किराँतीका अनुसार सहिद घोषणा गरेको सरकारले उनको परिवारलाई क्षतिपूर्ति पनि दिने निर्णय गरेको छ ।
कोशी प्रदेश सरकारले लिम्बुको परिवारलाई ३ लाख रुपैयाँ क्षतिपूर्ति दिने निर्णय गरेको थियो ।
प्रदेशको नाम कोशी राखेको विरोधमा चैत ५ गते विराटनगरमा भएको प्रदर्शनमा लिम्बु घाइते भएका थिए ।उपचारका क्रममा उनको १० गते विपि कोइराला स्वास्थ्य विज्ञान प्रतिष्ठान धरानमा मृत्यु भएको थियो । सहिद घोषणाको माग गर्दै आफन्तले शव बुझेका छैनन् ।
