गणपूरक सङ्ख्या नपुगेपछि प्रतिनिधिसभाको बैठक आधा घण्टाका लागि स्थगित गरिएको छ ।
प्रतिनिधिसभामा आइतबार सभामुख अग्निप्रसाद सापकोटाले नीति अध्ययन प्रतिष्ठान विधेयकमाथि विचार गरियोस् भन्ने प्रस्ताव निर्णयार्थ प्रस्तुत गर्न लाग्दा नेकपा एमालेका सांसद झपट रावलले गणपूरक सङ्ख्या नपुगेको भनी प्रश्न उठाएका थिए ।
संसदमा कुनै प्रस्ताव निर्णयार्थ पेश गर्दा कुल सदस्य सङ्ख्याको एक चौथाइ सदस्य अर्थात ६९ जना उपस्थित हुनुपर्ने व्यवस्था छ । सांसद रावलले प्रश्न उठाएपछि सभामुख सापकोटाले सदस्य संख्या यकीन गर्न संसद सचिवालयलाई निर्देशन दिएका थिए ।
३ मिनेट समय दिएर सांसदको सङ्ख्या गणना गर्दा ६३ जनामात्र उपस्थित भएका थिए ।
