लहानस्थित रामकुमार सारडा उमाप्रसाद मुरारकका (राउ) स्मारक अस्पतालमा कार्यरत एक कर्मचारीलाई प्रहरीले पक्राउ गरेको छ ।
उनले सेवाग्राहीमाथि अभद्र व्यवहार गरेको आरोप छ । उक्त अस्पतालमा कार्यरत नायव सुब्बा वासुदेव महतो पक्राउ परेका हुन् ।
उनले सेवा लिन आएका व्यक्तिलाई अश्लील गाली गरी दुर्व्यवहार गरेको आरोप छ ।
सेवा सुस्त भएको भन्दै एक सेवाग्राहीले नासु महतोसँग गुनासो गर्न जाँदा सामान्य भनाभन भएपछि उनले दुर्व्यवहार गरेका थिए ।
