स्थानीय तह निर्वाचन नजिकिँदै गर्दा निर्वाचन सुरक्षाका लागि विभिन्न निर्णयहरू हुन थालेका छन् । स्थानीय तह निर्वाचन निष्पक्ष र भयरहित रूपमा सम्पन्न गर्न केन्द्रीय सुरक्षा समितिले ‘स्थानीय तह निर्वाचन एकीकृत सुरक्षा नीति’ पारित गरेको छ ।

बिहीबार  गृहमन्त्री बालकृष्ण खाणको अध्यक्षता बसेको समितिको बैठकले सो नीति पारित गरेको हो । बैठकले निर्वाचनका लागि आवश्यक पर्ने एकीकृत सुरक्षा नीति पारित गरेको गृह मन्त्रालयका प्रवक्ता फणिन्द्रमणि पोखरेलले बताए । ‘अब निर्धारित स्थानीय तह र अन्य निर्वाचन पनि त्यही सुरक्षा नीतिअनुरूप सम्पन्न गर्न सजिलो हुन्छ,’ उनले भने ।