४७औँ संस्करणको दक्षिण अमेरिकी फुटबल प्रतियोगितामा शनिबार बिहान दुई खेल हुँदै छन् । सेमिफाइनल पुग्नका लागि भोलि बिहान चार वटा टिमले एक–आपसमा प्रतिस्पर्धा गर्ने छन् ।
क्वार्टरफाइनलका खेलमा साविक विजेता तथा आयोजक राष्ट्र ब्राजिलले चिलीसँग खेल्दै छ । यो खेल नेपाली समयानुसार भोलि बिहान ५ः४५ बजे रियो दि जेनेरियोस्थित ओलम्पिक स्टेडियममा हुनेछ ।
यस खेलमा दुवै टिम एक–अर्कामाथि जित दर्ता गर्दै सेमिफाइनल प्रवेश गर्ने दाउमा हुनेछन् । ब्राजिलले समूह ‘बी’को विजेता बन्दै क्वार्टरफाइनलमा प्रवेश गरेको हो । उसले चार खेलमा १० अङ्क जोडेको थियो । चिली भने समूह ‘ए’को चौथो स्थानमा रहँदै अन्तिम आठमा प्रवेश गरेको हो ।
चिली र ब्राजिलको खेलअघि बिहान २ः४५ बजे पेरु र पराग्वेले खेल्दै छन् । पेरु समूह ‘बी’को दोस्रो तथा पराग्वे तेस्रो हुँदै क्वार्टरफाइनल प्रवेश गरेका हुन् ।
