१९ फागुन ।झापामाझापा मेचीनगर नगरपालिका ६ स्थित मेची पुलबाट ब्राउनसुगरसहित दुई जना पक्राउ परेका छन्। मंगलबार पक्राउ पर्नेमा पाँचथर आङ्ना ४ घर भई हाल झापा दमक १ बस्ने २३ वर्षीय गणेश खत्री र मोरङ उर्लाबारी ९ का २७ वर्षीय अनुप तामाङ रहेको जिल्ला प्रहरी कार्यालय झापाका प्रवक्ता राकेश थापाले जानकारी दिए।
उनका अनुसार खत्रीलाई तीन ग्राम र तामाङलाई एक ग्राम ब्राउनसुगरसहित लागुऔषध नियन्त्रण ब्यूरो काँकडभिट्टाबाट खटिएको प्रहरी टोलीले पक्राउ गरेको हो। पक्राउ परेका दुवै जनालाई इलाका प्रहरी कार्यालय काँकडभिट्टामा राखेर थप अनुसन्धान भइरहेको छ।
