चितवन । भरतपुर अस्पतालमा उपचाररत नवलपुरको देवचुली नगरपालिका वडा नम्बर १ का ६४ वर्षीय पुरुषको मंगलबार साँझ साढे पाँच बजे मृत्यु भएको हो । खोकी र श्वासप्रश्वासमा समस्या भएर शुक्रबार उनी अस्पतालको आईसीयू कक्षमा भर्ना भएका थिए ।
अस्पताल आउनुभन्दा दुई दिनअघि नै कोरोना संक्रमित भएका उनको उपचारको क्रममा मृत्यु भएको अस्पतालका सूचना अधिकारी लीलाधर पौडेलले जानकारी दिए ।
पौडेलका अनुसार ती पुरुष मृगौला फेल भइ विगत केही समयदेखि डायलासिस गर्दै आएका थिए । निमानियाँलेसमेत ग्रस्त उनको भेन्टिलेटरको सहायतामा उपचार भइरहेको थियो ।
