फागुन ६ । गत फेब्रुअरी ९ तारिखका दिन चितवन खैरेनीका ३४ वर्षीय बालकृष्ण बोट साउदी अरबको रियादका त्रिभुवन अन्तर्राष्ट्रिय विमानस्थलबाट उडे । वैदेशिक रोजगारीका लागि रियाद उड्दै गरेका बोटको हातमा फ्लाइ दुबईको काठमाडौं दुबई, दुबई–रियाद टिकट थियो ।

बोट एक वर्षपछि रियाद फर्कदै थिए । ८ वर्षसम्म वैदेशिक रोजगारीकै शिलशिलामा साउदीको रियाद बसेका उनी गत वर्ष मात्र नेपाल आएका थिए । तीन महिनाको छुट्टि लिएर नेपाल आएका बोट घर फर्किदा नफर्किदै कोभिड–१९ को विश्व महामारी फैलियो । जसका कारण लगभग एक वर्ष जति उनी यतै रोकिन पुगे ।
क्यान्सिल भएको भिसा,टिकट जसोतसो मिलाएर एक वर्षपछि बोट पुनः रियाद फर्किदै थिए । तर,जब उनी उडेको फ्लाइ दुबईको विमानस्थलमा उत्रियो तब उनी अवाक भए ।
बुधबार राति ११ः३५ बजे साउदीका लागि भनेर काठमाडौंबाट उडेको फ्लाइट त्यसको लगभग साढे तीन घण्टापछि दुबई विमान उत्रिएको थियो । जब जहाज विमानस्थलमा ल्याण्ड भयो तब एयर होस्टले यात्रा समाप्त भएको घोषणा गरिन् । साउदीका लागि सोही प्लेनको टिकट काटेका बोट चकित भए । त्यसो त उनी मात्र होइन उनीसँगै गएका अर्का नेपाली यात्रु समेत चकित भए ।