म्याग्दी सदरमुकाम बेनीमा रहेको म्याग्दी बहुमुखी क्याम्पसमा स्वतन्त्र विद्यार्थी युनियन( स्ववियु) सभापतिमा नेपाल विद्यार्थी संघका संगम चोखाल क्षेत्री निर्वाचित भएका हुन् । स्ववियु नेतृत्व चयनका लागि भएको मतदानको मतपरिणाम अनुसार, कुल खसेको ६८६ मतमध्ये नेविसंघबाट उम्मेदवार बनेका क्षेत्रीले २८८ मत ल्याएर सभापतिमा निर्वाचित भएका हुन् ।
सभापति पदको प्रतिस्पर्धी बनेका अनेरास्ववियुका दिनेश खत्रीले १९२ र अखिल (क्रान्तिकारी)का सन्दीप खत्रीले १७७ मत ल्याएका छन् ।
निर्वाचनबाट स्ववियु सचिबमा अनेरास्ववियुका मञ्जुर कटुवाल क्षेत्री र कोषाध्यक्षमा अस्मिता भण्डारी निर्वाचित हुनुभएको छ । सदस्यहरुमा विशाल विक, ढकबहादुर भण्डारी, सम्पूर्ण जिसी, अनुपम श्रेष्ठ र अबिजित शाहि निर्वाचित भएका छन् ।
समानुपातिक तर्फ अनेरास्ववियुले २७७,नेविसंघले २४४,अखिल क्रान्तिकारीले १४२ र अखिल नेपाल विद्यार्थी युनियन (समाजवादी) १० मत प्राप्त गरेको निर्वाचन समितिका संयोजक पशुपतिनाथ ढकालले जानकारी दिनुभयो । मंगलबार सम्पन्न निर्वाचनमा ८२४ मतदाता रहेकोमा जम्मा ६८६ मत खसेको थियो ।
