जनता समाजवादी पार्टी( जसपा) अध्यक्ष उपेन्द्र यादवले अहिलेको सिस्टमा नै दोष रहेको बताएका छन् ।
विराटनगर विमानस्थलमा सञ्चारकर्मीसँग कुरा गर्दै उनले अहिलेको संसदीय व्यवस्था नै क्रुटीपूर्ण रहेको बताएका हुन् । अहिलको परिस्थीतिलाई अन्त्य गर्न संविधान संसोधन गर्नुपर्ने उनको भनाई छ ।
‘यो सिस्टमा नै दोष छ, हामीले जुन खालको संसदीय व्यवस्थाको अभ्यास गरिरहेका छौं र जुन खालको संसदीय व्यवस्थाको संरचना संविधानमा निर्धारण गरिएको छ, त्यसमाथि नै पुनरविचार गर्नुपर्छ, डिफेक्ट भनेको त्यहाँ हो,’ उनले भने,‘ संवैधानिक व्यवस्था जुन छ संसदीय प्रणालीको, जुन चार पटक– पाँच पटकसम्म जान्छ, त्यो नै पुनरविचार गर्नुपर्छ, संसदीय व्यवस्था भनेको बहुमत प्राप्त दलले सरकार बनाउने हो, बहुमत रहुन्जेल सरकारमा रहने हो, नरहदा सरकारबाट हट्ने हो, अर्काेले बहुमत नल्याउदा मध्यवधीमा जाने हो, यो त स्पष्ट हो नि संसदीय व्यवस्थामा जहाँ पनि । तर यहाँ के छ भनेदेखि पाँच स्टेप तल पुगेर मात्रै जाने जुन किशिमको व्यवस्था अपनाइयो, त्यो क्रुटीपूर्ण छ ।’
संंवैधानिक व्यवस्था नै क्रुटीपूर्ण भएका कारण समस्या भएको उनले बताए । ‘निर्वाचन प्रणालीमा पनि दोष छ, संसदीय प्रणालीपनि विकृतिमुलक छ, जुन अपनाइयो, यो कुरा हामीले संविधान बन्दाखेरी नै भनिराखेका छौं, यसले मुलुकमा अस्थीरता, अन्योलता विकृति र विसंगती बाहेक केही दिदैन्, आज त्यो कुरा प्रमाणित भएको छ,’ उनले भने,‘ संविधानलाई संसोधन गरेर अहिलेको वर्तमान अवस्थाको साशकीय स्वरुप छ, निर्वाचन प्रणाली छ, संसदीय प्रणाली छ, यसमा फेरबदल गर्न जरुरी छ ।’
राजनीतिक मुद्दाहरुको छिनोफानो राजनीतिक दलले नै गर्नुपर्ने उनको भनाई छ । ‘सकभर यस्ता राजनीतिक मुद्दाहरु राजनीतिक मामिलाहरु न्यायीयक क्षेत्र भित्र प्रवेश नगराउँदै राम्रो, राजनीतिककर्मीले राजनीतिक दलले र नेताहरुले नै राजनीनितक मुद्दाको सामधान गर्ने, छिनोफानो गर्ने दाहित्व हो, उनले भने ।
फरक प्रशंगमा उनले नेपाली कांग्रेससँगको सल्लाहमा नै समाजवादी मोर्चा गठन भएको बताए ।
