करेन्ट लागेर उदयपुरमा एक कर्मचारीको मृत्यु भएको छ ।
सडक बत्ती बनाउने क्रममा बुधबार दिउँसो २ः३० बजे करेन्ट लाग्दा त्रियुगा नगरपालिका ४ फर्सेटमा ४० वर्षीय युवराज राईको मृत्यु भएको हो । उनी नगरपालिकाका करारका कर्मचारी हुन् ।
सडकको बिजुलीको पोलमा काम गर्नेक्रममा अचानक करेन्ट लाग्दा गम्भीर घाइते भएका राईको जिल्ला अस्पतालको उपचारको क्रममा ज्यान गएको जिल्ला प्रहरी कार्यालयका सूचना अधिकारी डीएसपी हरिनन्दन चौधरीले बताए ।
घाइते राईलाई साथीले तत्काल उपचारको लागि जिल्ला अस्पताल पुर्याएका थिए । घटनाको थप अनुसन्धान भइरहेको प्रहरीले बताएको छ ।
