बाराको प्रतिनिधिसभा निर्वाचन क्षेत्र नम्बर २ को उपचुनावमा नेपाली कांग्रेसले जनता समाजवादी पार्टी जसपाका अध्यक्ष उपेन्द्र यादवलाई समर्थन गर्ने भएको छ । जसपा अध्यक्षलाई समर्थन गर्ने निर्णय गरेकाे हाे ।
आइतबार बसेको कार्यसम्पादन समितिको बैठकले उपचुनाव हुने तीन वटै क्षेत्रमा गठबन्धनको साझा उम्मेदवारी बनाउने तयारी पनि गरेकाे छ । साेही तयारीका लागि बारा २ मा यादवलाई समर्थन गर्ने निर्णय गरेको हो ।
कांग्रेसले चितवन– २ मा पूर्व जिल्ला सभापति जितनारायण श्रेष्ठ र तनहुँ १ मा गोविन्द भट्टराईलाई उम्मेदवार बनाएको छ ।
बैठकले बारा, चितवन र तनहुँमा ०७९ को निर्वाचनमा भन्दा पहिला स्वतन्त्र उम्मेदवारी दिएका र अनुशासन उल्लंघन गरेको नेताहरुमाथि गरिएको कारबाही फुकुवा गर्ने निर्णय गरेको छ ।
