बैशाख १० गते हुने उपनिर्वाचनमा बारा क्षेत्र नम्बर २ मा जसपा अध्यक्ष उपेन्द्र यादवले उठ्ने तयारी गरेका छन् । यादवले उठ्ने तयारी गरेपछि सो क्षेत्रमा लोकतान्त्रिक समाजवादी पार्टी नेपालका वरिष्ठ नेता राजेन्द्र महतो पनि उम्मेदवार बन्ने तयारी गरेका छन् ।
सो क्षेत्रमा माओवादी केन्द्र छाडेर जनमत पार्टी प्रवेश गरेका शिवचन्द्र कुसवाले उम्मेदवारी घाेषणा गरिसकेका छन् ।
राजेन्द्र महता पार्टीका तथा नेता कार्यकर्ताहरुसँग छलफल गरेर उम्मेदवारी दिने मनस्थितिमा पुगेकाे उनी निकट नेताहरु बताउँछन् । मंसिर ४ को निर्वाचनमा नेता महतो सर्लाही–२ मा महेन्द्रराय यादवसँग पराजित भएका थिए ।
बारा २ बाट चुनाव जितेका रामसहाय यादव उपराष्ट्रपति बनेपछि सो क्षेत्र खाली भएको हो ।
