नेपालले आज प्रधानमन्त्री थ्री नेसन्स कपको दोस्रो खेलमा भुटानसँग खेल्दैछ । त्रिपुरेश्वरस्थित दशरथ रंगशालामा नेपालले भुटानसँग खेल्नेछ । याे खेल साँझ ६ बजे सुरु हुनेछ ।
पहिलो खेलमा नेपालले लाओसलाई २– ० ले हराएको थियो । आज भुटानलाई हराउँदै फाइनल पुग्न चाहन्छ । तीन राष्ट्र सहभागिता प्रतियोगितामा नेपाललाई फाइनल पुग्न बराबरीले समेत पुग्नेछ ।
भुटान पनि नेपाललाई हराउँदै फाइनल पुग्न चाहन्छ । पहिलो खेल भुटानलाई लाओसले २– १ ले हराएको थियो ।
नेपालले भुटानविरुद्ध हलसम १२ पटक खेलिसकेको छ । नेपालले भुटानविरुद्ध १२ खेलमा नै जित हासिल गरेको छ। प्रतियोगिता शीर्ष दुई टोलीले उपाधिका लागि चैत १७ गते खेल्ने छन् ।
प्रतियोगिताको विजेताले ५ हजार अमेरिकी डलर, दोस्रोले ३ हजार डलर पाउने छन् ।
