Nepali Unicode | Preeti to Unicode

मुम्बई । बम्बे उच्च अदालतले मंगलबार बलिउड अभिनेत्री कंगना रनौत र उनकी दिदी रंगोली चन्देललाई देशद्रोहको मुद्दामा पक्राउ नगर्न भनेको छ । यद्यपि उच्च अदालतले कंगना र रंगोलीलाई ८ जनवरीमा मुम्बई प्रहरीमा बयान दर्ता गराउन उपस्थित हुन आदेश दिएको छ ।

कंगना र रंगोलीका वकिल रिजवान सिद्दिकीले उच्च अदालत सामू उनीहरु ८ जनवरीमा १२ बजेदेखि २ बजेभित्र बयान दर्ता गराउन उपस्थित हुने आश्वासन व्यक्त गरेका छन् ।

सामाजिक सञ्जालमार्फत देश र बलिउड क्षेत्रबारे गलत खबर फैलाएर यसको बेइज्जत गर्न खोजेको र समाजमा भ्रामक कुरा फैलाएको आरोपमा उनीहरु विरुद्ध एफआईआर दर्ता भएको थियो ।

उनीहरु विरुद्ध यो आरोप कास्टिंग निर्देशक मुनव्वर अलीले गरेका हुन् । मुम्बईको बान्द्रास्थित एक अदालतको आदेशपछि प्रहरीले उनीहरु विरुद्ध एफआईआर दर्ता गराएका हुन् ।

यसपछि कंगना र रंगोलीले बम्बे उच्च अदालतमा निवेदन पेश गरि मुम्बई प्रहरीले उनीहरु विरुद्ध दर्ता गरेको एफआईआर रद्द गर्न अनुरोध गरेका थिए । नवभारत टाइम्स

प्रतिक्रिया

सम्बन्धित खवर

ताजा समाचार

लोकप्रिय