इंग्लिस प्रिमियर लिग फुटबलमा शीर्ष स्थानमा रहेको आर्सनल बराबरीमा रोकिदा म्यान्चेस्टर युनाइटेडले जित निकालेको छ । मंगलबार राति भएको खेलमा आर्सनल न्युकासलसँग गोलरहित बराबरीमा रोकिएको हो ।
घरेलु मैदानमा पाएको अवसरलाई सदुपयोग गर्न नसक्दा आर्सनल बराबरीमा चित्त बुझाउन बाध्य भएको थियो । बराबरीसँगै आर्सनल १७ खेलमा ४४ अंक जोडेको छ । न्युकासल १८ खेलमा ३५ अंक जोडेर तेस्रो स्थानमा रहेको छ ।
मंगलबार राति भएको खेलमा युनाईटेडले बर्नेमाउथलाई ३–० गोल अन्तरले पराजित गरेको छ । युनाईटेडको जितमा कासिमिरो, लुक श र मार्कुस राषफोर्डले एक एक गोल गरे । खेलको २३ औं मिनेटमा कासिमिरोले गोल गर्दै युनाईटेडलाई सुरुआती अग्रता दिलाएका थिए ।
लुक शले खेलको ४९ औं मिनेटमा गोल गर्दै युनाईटेडको अग्रता दोब्बर बनाए । त्यसपछि खेलको ८६ औं मिनेटमा राषफोर्डले गोल गर्दै युनाईटेडलाई ३(० को जित दिलाए । जितसँगै युनाईटेडले १७ खेलमा ३४ अंक जोडेर चौंथो स्थानमा छ । प्रिमियर लिग अन्तर्गत नै फुलहमले लेस्टर सिटीलाई १–० ले हराएको छ । यस्तै ब्राइटनले एभर्टनलाई ४(१ ले हराएको छ ।
