स्पेनिस ला लिगा फुटबलमा बार्सिलोनाले ओसासुनालाई हराउँदै शीर्ष स्थानमा अग्रता बढाएको छ । मंगलबार राति बार्सिलोनाले घरेलु टोली ओसासुनामाथि २–१ को जित निकाल्दै लिगमा दोस्रो स्थानमा रहेको रियल म्याड्रीडसँग ५ अंकको अग्रता बढाएको हो ।
बार्सिलोनाले जितेको खेलमा दुई मुख्य खेलाडीले रातो कार्ड खाए । फरवार्ड रोबर्ट लेवान्डोस्की र जेरार्ड पिकेले रातो कार्ड खादै मैदान बाहिरिए ।
फुटबलबाट सन्यासको घोषणा गरेका पिकेले अन्तिम खेल अघिनै राता कार्ड खाए । ३५ वर्षिया डिफेन्डरले पिके रेफ्रीसँग विवाद गर्दा रातो कार्ड पाएका थिए ।
डेभिड गार्सियाले खेलको सुरुवातमै घरेलु टोलीलाई अघि बढाएका थिए । दोस्रो हाफमा पेड्री र राफिन्हाले गोल गर्दै बार्सिलोनाको जित सुनिश्चित गरे ।
जितसँगै बार्सिलोनाले ३७ अंक जोडेको छ । रियल मड्रिडको ३२ अंक छ । ओसासुना २३ अंक सहित तालिकाको छैटौं स्थानमा छ ।
