काठमाडौं । इन्डियन प्रिमियर लिग (आईपीएल) टी-ट्वान्टी क्रिकेटअन्तर्गत आज (आइतबार) दुई खेल हुँदै छन् । आज हुने पहिलो खेलमा चेन्नई सुपर किङ्सले किङ्स इलेभेन पन्जाबसँग प्रतिस्पर्धा गर्दै छ ।
सेख जायद क्रिकेट स्टेडियममा हुने दुई टोलीबीचको खेल नेपाली समयअनुसार दिउँसो ३ बजे सुरु हुनेछ । आजको खेलमा पन्जाबलाई जित्नैपर्ने दबाब छ । पन्जाबले आजको खेलमा जित निकाल्न सके प्लेअफमा स्थान बनाउने अवसर कायम हुनेछ ।
यता समूह चरणबाट बाहिरिएको चेन्नई आजको खेलमा जित निकाल्दै सिजनको सुखद बिदाई गर्ने योजनामा छ । लिगमा १३ खेल खेलेको चेन्नई १० अंकका साथ पुछारमा छ । १२ अंक जोडेको पन्जाब तालिकाको पाँचौं स्थानमा छ ।
आजै हुने अर्को खेलमा कोलकाता नाइड राइडर्सले राजस्थान रोयल्ससँग प्रतिस्पर्धा गर्दै छ ।
दुबई अन्तर्राष्ट्रिय क्रिकेट मैदानमा हुने दुई टोलीबीचको खेल नेपाली समयअनुसार साँझ ७:४५ मा सुरु हुनेछ । आजको खेल दुवै टोलीका लागि महत्त्वपूर्ण छ ।
आजको खेलमा जित निकाल्दै कोलकाता प्लेअफमा आफूलाई स्थान बनाउने अवसरलाई कायम राख्ने योजनामा छ । यता राजस्थानजको योजना पनि त्यही छ ।
