“पार्टीको हितमा एक शब्द बोलेको होइन, आन्दोलनको हितमा एक शब्द बोलेको होइन”, उनले थपे, “अरू–अरू प्रकारका तमासा देखाउनुपर्ने ठाउँमा तमासा देखाएको छ ।” अध्यक्ष ओलीले राष्ट्र र पार्टीमा योगदान दिनेलाई टिकटमा न्याय गरिएको बताए ।

उनले पार्टीले काम र योगदानका आधारमा न्याय हुने गरी आगामी निर्वाचनका लागि टिकट दिएको बताए। उनले एमाले कार्यकर्तालाई कुनै भावनामा बग्नुपर्ने आवश्यकता नभएको उल्लेख गर्दै एमालेमा न्याय हुने तर न्याय सापेक्ष हुने स्पष्ट पारे । “टिकट पाएन, स्वाभाविक हो,  पालो गर्नुपर्दैन ? अरूलाई पनि त पालो दिनुपर्छ”, उनले भने, “पार्टीको पक्षमा, देशको पक्षमा असाधारण भूमिका भए पनि उहाँको भूमिका आवश्यक छ, उहाँ नभई कन संसद् चल्दैन, उहाँ नभई कन देश हाँकिँदैन भन्ने स्थिति त होइन ।”