नेपालमा थप २२६ जनामा कोरोना भाइरसको संक्रमण पुष्टि भएको छ ।
पछिल्लो २४ घन्टामा ४ हजार ११ जनाको परीक्षणमा २२६ जनामा संक्रमण पुष्टि भएको स्वास्थ्य तथा जनसंख्या मन्त्रालयले जनाएको हो । १ हजार ५२५ जनाको पीसीआर परीक्षण गर्दा १४५ जना र २ हजार ४८६ जनाको एन्टिजेन परीक्षण गर्दा ८१ जनामा संक्रमण देखिएको छ । थपिएका सहित देशभर कोरोनाका सक्रिय संक्रमितको संख्या ३ हजार २३५ पुगेको छ ।
पछिल्लो २४ घन्टामा २२३ जना संक्रमणमुक्त भएका छन् । अझै ३ हजार ८६ जना होम आइसोलेसनमा रहेका छन् । संक्रमितमध्ये १४९ जना संस्थागत आइसोलेसन र ४४ जना आईसीयूमा रहेको मन्त्रालयको भनाइ छ । पछिल्लो २४ घन्टामा कोरोनाबाट कसैको मृत्यु भएको छैन् ।
नेपालमा कोरोनाबाट मृत्यु हुनेको कुल संख्या १२ हजार पुगेको छ । थप १ लाख ३२ हजार २९४ जनाले खोप लगाएको मन्त्रालयले जनाएको छ ।
