आइतबारको सेयर बजार ६१ अङ्क भन्दा बढीले उकालो लागेको छ ।
चालु आर्थिक वर्ष २०७९र०८० को मौद्रिक नीतिपछिको पहिलो कारोबारमा सेयर बजार उच्च अङ्कले बढेको हो । आइतवार नेप्से ६१.५ अङ्कले बढेर २०७८.५१ विन्दुमा पुगेको हो । यस दिन बजारसँगै कारोबार रकम समेत बढेको छ ।
२१९ कम्पनीका ६४ लाख २३ हजार कित्ता सेयर २ अर्ब ७३ करोड रुपैयाँमा किनबेच भएको छ । सबैभन्दा धेरै शिवम् सिमेन्टको ३९ करोड ७१ लाख तथा नेपाल पुनर्बीमा कम्पनी, हिमालयन डिस्टिलरी, एनआईसी एसिया र अरुण काबेली हाइड्रोको ६ करोड रुपैयाँभन्दा धेरैको सेयर कारोबार भएको छ ।
आइतबार सेन्ट्रल फाइनान्स, समृद्धि फाइनान्स र मल्टिपर्पोज फाइनान्सको सेयरमूल्यमा सकारात्मक सर्किट लागेको छ । ती कम्पनीका सेयरमूल्य १० प्रतिशतले बढेको हो ।
कारोबारमा आएका १३ वटै कम्पनीको सेयरमूल्य बढेका छन् । फाइनान्स, बीमा, विकास बैङ्क र अन्य समूहको सेयरमूल्य उच्च अङ्कले बढेको छ । जसमध्ये फाइनान्स उपसमूहको सेयरमूल्य ७.२२ प्रतिशतले बढेको छ ।
चालु आर्थिक वर्ष २०७९ । ०८० को मौद्रिक नीति सेयर बजार मैत्री आएको भन्दै पहिलो कारोबारमा शेयर बजार उच्च अङ्कले बढेको विश्लेषण गरिएको छ ।
