काठमाडौं । नेपाल कम्युनिष्ट पार्टी एकता राष्ट्रिय अभियानका संयोजक बामदेव गौतमले नयाँ पार्टी घोषणा गर्न लाग्नु भएको छ ।
आज दिउँसो कार्यक्रम आयोजना गरेर राजनीतिक दल घोषणा गर्न लाग्नु भएको हो ।
उहाँको पार्टीको नाम ‘एकता राष्ट्रिय अभियान’ हुने बताइएको छ ।
राष्ट्रिय सभाका सांसद गौतम नेपालका वामपन्थी दलहरुलाई एकै स्थानमा ल्याउने अभियानमा हुनुहुन्छ ।
शनिबार उहाँले अभियानका राष्ट्रिय भेला आयोजना गर्नुभएको थियो । गौतम अध्यक्ष रहेको पार्टीमा ६९ सदस्यीय केन्द्रीय कमिटी रहेको जनाइएको छ ।
गत प्रतिनिधि सभा चुनावमा बर्दियाबाट पराजित हुनु भएका गौतमलाई तत्कालीन नेकपा सरकारले राष्ट्रिय सभा सदस्यमा सिफारिस गरेको थियो ।
