नेकपा एकीकृत समाजवादीका अध्यक्ष माधव नेपालले एमालेको ओरालो यात्रा सङ्घीय निर्वाचनमा पनि कायम रहने दाबी गरेका छन् ।
अखिल नेपाल महिला सङ्घ (समाजवादी)को केन्द्रीय समितिको तेस्रो पूर्ण बैठकलाई सम्बोधन गर्दै अध्यक्ष नेपालले एमालेको पतन निश्चिन रहेको बताएका हुन् ।
एमाले अध्यक्ष केपी ओलीलाई लक्षित गर्दै नेपालले आफूलाई कमजोर ठानेको र बेवास्ता गरेको परिणाम एमालेले भोगिरहेको जिकिर गरे ।
अध्यक्ष नेपालले नेतृत्व नसुध्रिए एमालेको पतन निश्चित रहेको दाबी गरे । उनले गठबन्धन कम्तिमा सङ्घीय निर्वाचनसम्म कायम रहने समेत बताए ।
