​​​​​​​नेपाल प्रहरीको लागुऔषध नियन्त्रण ब्युरोले हालसम्मकै सबैभन्दा बढी हेरोइन बरामद गरेको छ । पछिल्लो साता चरणबद्ध सर्च प्रहरीको हालसम्मकै ठूलो अप्रेशनपछि बरामद गरिएको ५१ केजी हेरोइन र पक्राउ परेका व्यक्ति आज पत्रकार सम्मेलनमार्फत सार्वजनिक गरिएको छ ।

केही दिनको बीचमा लागू औषध नियन्त्रण ब्यूरोले १ अर्ब २ करोड मूल्य बराबरको लागू औषध हेरोइन बरामद गरेको छ । ब्युरोका एसपी जीवन श्रेष्ठले विभिन्न स्थानबाट ५१ किलो हेरोइनसहित ७ जनालाई पक्राउ गरिएको बिहीबारको पत्रकार सम्मेलनमा जानकारी दिए। बरामद भएका हेरोइनमध्ये ४९ किलो सेतो र २ किलो खैरो रहेको छ  ।